citation gallery ge
 
citation home 01 02 03 04 05
rustaveli 01 02 03 04 05 06
 
     
 

-------------------------
ანა კალანდაძე
1959 წელი
-------------------------

- ფეხი დამადგით,
გულზე დამადგით ფეხი ყოველმან,
წყალობა ჰყავით...
საქართველოის ყოვლის მპყრობელმან
ვისურვე, დავით...
ფეხქვეშ გაცვითეთ საფლავის ლოდი
ყურძნის მტევნებით...

– ასეთი ცოდვა რა გაქვს, მეფეო,
მიუტევები?

ღირსმსახურობდი ქართულ მიწა-წყალს,
რაი გადარდებს?
გასწიე იგი„ნიკოფსიითგან
დარუბანდამდე“...

თუ, ეს მაღალთა თავმდაბლობაა
ოდით და ოდით?
თუ ცოდვილი ხარ, მაშინ, მეფეო,
რაღა ქნან ცოდვილთ,
სული სიმშვიდის, სული სიმშვიდის
ვერსით მპოველთა?

– გულზე დამადგით, ფეხი დამადგით
გულზე ყოველთა...
-------------------------


 
     
Hosted by uCoz